5 أخطاء شائعة عن البشرة

5 أخطاء شائعة عن البشرة

رح نحكي اليوم عن أكتر الأخطاء المنتشرة عن البشرة و شو الحلول الصحيحة.....

البشرة الدهنية لا تحتاج الى ترطيب:

من أكتر الأخطاء المنتشرة هي أنو البشرة الدهنية ما بتحتاج ترطيب بس الحقيقة هي انو البشرة الدهنية متل اي بشرة بتحتاج ترطيب و يفضل اختيار مرطبات خالية من الزيوت و الشموع و يكون القوام خفيف (قوام جل).

كريمات الكولاجين بتخفف التجاعيد:

الحقيقة للأسف الكريمات يلي بتحتوي على كولاجين مارح يكون الها تاثير على التجاعيد و الكلام كلو عبارة عن تسويق اعلامي و السبب بسيط و علمي انو بروتين الكولاجين حجمو كبير كجزيئ و مارح يخترق مسام البشرة و رح يضل ع سطح البشرة و البشرة مارح تستفاد منو و يستعاض عن  كريمات  الكولاجين بكريمات فيها فيتامينA أو حمض الساليسليكز

التقشير هي عملية مهيجة للبشرة:

هالاعتقاد خاطئ و التقشير عملية كتير مهمة و ضرورية بعد سن ال 25 و على حسب نوع البشرة منحدد عدد مرات التقشير بالاسبوع:

البشرة الدهنية من مرة الى مرتين بالاسبوع بسبب الافرازات الجلدية الزائدة.

البشرة العادية مرة وحدة بالاسبوع.

البشرة الحساسة و الجافة مرة كل اسبوعين.

كريمات التجاعيد لا يجب ان تستخدم قبل سن ال 30:

هاد الاعتقاد من اكتر الاعتقادات المنتشرة و البشرة لازم يتم الاهتمام فيها من بعد سن ال 18 و حتى اذا كانت دهنية و عرضة ل حب الشباب لازم الاهتمام من سن المراهقة حتى نتلافى ندبات حب الشباب و بنسنبة لكريمات التجاعيد يفضل من ال 25 و بعد بشكل عام و اذا لاحظنا تجاعيد قبل ال 25 منبلش قبلز

المنتجات الطبيعية أضعف من المنتجات و الكريمات الكيمياوية المصنعة:

كمان عبارة عن اشاعة مالها اي صحة علمية المنتجات الطبيعية هي بنفس قوة و تاثير المنتجات الكيمياوية و لكن بعض البشرات تحتاج الى تراكيز اعلى من المواد الفعالة غير متوفرة بالمنتجات الطبيعية لهيك منلجأ للمنتجات الكيماوية و للعلم معظم المنتجات و المستحضرات و الكرمات و حتى الادوية هي من منشأ طبيعي من مواد مستخلصة من الطبيعة.